Pro deo amor et por christian poblo et nostro commun saluament d'ist di in auant, in quant Deus sauir et podir me dunat, si salvarai eo cist meon fradre Karlo et in ajudha et in cadhuna cosa, si cum om per dreit son fradra saluar dift, in o quid il mei altresi fazet et ab Ludher nul plaid nonqua prindrai, qui meon uol cist meon fradre Karle in damno sit. Si Lodhuuigs sagrament, que son fradre Karlo jurat, conseruat, et Karlus meos sendra de suo part lo fraint, si io returnar non l'int pois, ne io ne nëuls, cui eo returnar int pois, in nulla ajudha contra Lodhuwig nun li iu ier. -- Les serments de Strasbourg (842 : alliance entre Charles le Chauve et Louis le Germanique contre Lothaire)